Akademik guruh maʼlumotlarini boshqarish
Akademik guruh maʼlumotlarini shakllantirish.
Akademik guruhlarni shakllantirish Talabalar / Akademik guruhlar menyusi orqali amalga oshiriladi (1-rasm).
1-rasm. Guruh yaratish oynasi
Guruh yaratish uchun 1-rasmdan +Guruh yaratish tugmasini tanlang. Natijada ekranda akademik guruh maʼlumotlarini kiritish oynasi paydo boʻladi (2-rasm). Akademik guruhlarning quyidagi maʼlumotlari kiritiladi, bunda:
- Nomi maydoniga akademik guruhning nomi kiriting;
- O’quv reja maydonidan akademik guruhga tegishli boʻlgan oʻquv reja tanlang. Oʻquv rejani yaratish tizimning oʻquv reja menyusida amalga oshiriladi. Agar oʻquv reja tasdiqlanmagan boʻlsa bunday oʻquv rejalarni tanlashning imkoni boʻlmaydi;
- Ta’lim tili maydonidan akademik guruhdagi talabalarning taʼlim olish tilini tanlang (oʻzbek, rus, qoraqalpoq, qozoq, qirgʻiz, tojik, turkman, ingliz).
Akademik guruh maʼlumotlarini kiritish oynasiga barcha zaruriy maʼlumotlar kiritib boʻlingandan soʻng Saqlash tugmasini tanlash orqali guruh maʼlumotlari axborot tizimiga saqlanadi (2-rasm).
2-rasm. Guruhlarni shakllantirish.
Yuqorida keltirilgan ketma-ketlik asosida barcha akademik guruhlar shakllantirib olinadi.
Saqlangan guruhni koʻrish uchun tizimning Talabalar / Akademik guruhlar menyusi orqali amalga oshiriladi (3-rasm).
3-rasm. Akademik guruhlar ruyhati.
Akademik guruh maʼlumotlarini tahrirlash
Akademik guruh maʼlumotlarini tahrirlash uchun akademik guruhlar roʻyxatidan mos guruh nomiga bosiladi va shundan soʻng akademik guruh maʼlumotlarini tahrirlash oynasi ochiladi (2-rasm). Soʻngra akademik guruhga tegishli maʼlumotlar tahrirlanadi va Saqlash tugmasi bosiladi.
Akademik guruh maʼlumotlarini oʻchirish
Akademik guruh maʼlumotlarini oʻchirish uchun akademik guruhlar roʻyxatidan mos guruh nomiga bosiladi va shundan soʻng akademik guruh maʼlumotlarini tahrirlash oynasi ochiladi (2-rasm). Ochilgan oynadagi O’chirish tugmasini bosish orqali akademik guruh tizimdan oʻchiriladi.
Muhim!!!. Agar tizimda akademik guruh bilan bogʻlangan boshqa maʼlumotlar mavjud boʻlsa tizim akademik guruhni oʻchirishga ruxsat bermaydi. Bunday hollarda akademik guruhni oʻchirish uchun dastlab u bilan bogʻlangan boshqa maʼlumotlarni oʻchirish tavsiya etiladi.
