Davomat jurnali ma’lumotlarini boshqarish
Davomat jurnali ma’lumotlarini boshqarish tizimning Davomat / Davomat jurnali menyusi orqali amalga oshiriladi (1-rasm).
1-rasm. Davomat jurnali
Davomatni ko‘rish uchun davomat jurnalidan guruhni fan mashg‘uloti turi bo‘yicha tanlang (masalan guruh – 365-MB, fan – C/C++ dasturlash, mashg‘ulot – Laboratoriya). Natijada guruhning davomat jurnali ochiladi. Ushbu jurnalda talabaning qoldirgan dars soati (sababli, sababsiz, jami soat) va o‘qituvchi tomonidan darslar o‘tilganligini ko‘rish hamda talabaning qoldirgan dars soatini sababli yoki sababsizga o‘tkazish amalini bajarish mumkin (2-rasm).
2-rasm. Guruxning davomat jurnali
Talabaning qoldirgan dars soatini sababli qilish uchun jurnalda talaba qoldirgan soatni tanlang (masalan, 2011-11-11 sandagi 2 sonini tanlash). Natijada dars soatini nazorat qilish oynasi ochiladi. Ushbu oynada status ustunini sababsizdan sababliga o‘zgartiring, asoslovchi izohni yozing va asoslovchi hujjatni yuklang. Bunda tizim faqatgina Rasm va PDF formatdagi fayllarni qabul qiladi (3-rasm).
3-rasm. Dars soatni sababli qilish
Barcha ma’lumotlar to‘g‘ri bo‘lsa Saqlash tugmasini tanlash orqali ma’lumotni saqlang. Natijada davomat jurnalida talaba qoldirgan dars soati yashil rangda bo‘ladi va sababliga o‘tadi (4-rasm).
4-rasm. Davomat jurnali
Talabaning qoldirgan dars soatini tanlash orqali dars soatni sababli qilinganlik to‘g‘risidagi ma’lumotni ko‘ring va Yuklab olish tugmasi orqali asos faylni ko‘chirib oling (5-rasm).
5-rasm. Qoldirilgan dars asosini yuklash
Xuddi shu usulda talabaning davomati boshqarib boriladi.
