Fakultet ma’lumotlarni boshqarish

Fakultet yaratish

Oliy ta’lim muassasasida o‘quv jarayoni fakultetlar kesimida tashkil etiladi. Shu sababli HEMIS axborot tizimida o‘quv jarayonini tashkil etish va boshqarish vazifalarini amalga oshirish uchun Fakultet ma’lumotlarini shakllantirish talab etiladi. OTM fakultetlarini yaratishda fakultet turiga e’tibor berish zarur. Jumladan OTM fakultetlarining quyidagi turlari mavjud:

  • Mahalliy – bu davlat tasarrufidagi OTM fakulteti;
  • Qo‘shma – bu boshqa davlatlar OTMi bilan hamkorlikda ochilgan fakultet;
  • Bo‘lim – bu fakultetga tenglashtirilgan bo‘lim, masalan sirtqi yoki magistratura bo‘limi.
  • Boshqa – fakultetga tenglashtirilgan boshqa turdagi bo‘limlar;

OTM fakultetlarini yaratish OTM strukturasi / Fakultet menyusi orqali amalga oshiriladi (1-rasm).

1-rasm. Fakultet ma’lumotlarini shakllantirish

Fakultet yaratish oynasidan:

  • Nomi maydoniga fakultet nomini kiriting;
  • Kod maydoniga fakultet kodini kiriting ;
  • Turi maydonida fakultet turini tanlang.

Eslatma! Fakultet kodining boshlang‘ich 3 ta sondan iborat kodi (999-__)  OTM kodi hisoblanadi va u vazirlik axborot tizimi tomonidan shakllantiriladi. Kodning qolgan qismi fakultetni yaratish jarayonida kiritiladi (masalan 999-101).

Fakultetga tegishli ma’lumotlar shakllantirilgandan so‘ng Saqlash tugmasi bosiladi va natijada fakultetlar ro‘yxati yaratilgan fakultet paydo bo‘ladi (2-rasm).

2-rasm. Fakultetlar ro‘yxati

 

Yuqorida keltirilgan ketma-ketlik asosida OTMning tegishli barcha fakultetlar yaratib chiqiladi. OTM fakultetlari joriy vaqtda o‘z faoliyatini olib borayotgan bo‘lsa tizimda fakultetning FAOL deb  nomlangan kalit qismi aktiv holatda bo‘ladi. 

Agar fakultet butunlay yopilib yoki fakultetlar o‘zaro birlashgan vaqtda ushbu FAOL tugma passiv holatga keltiriladi. Passiv holat tizim fydalanuvchilari uchun noqulayliklar keltirib chiqarishni oldini oladi.

Fakultetni taxrirlash

Fakultetni taxrirlash uchun fakultetlar ro‘yxatidan tegishli fakultet nomiga sichqoncha bilan bosiladi va natijada fakultetning ma’lumotlari taxrirlash maydonlariga yuklanadi (2-rasm).

Fakultetni taxrirlash oynasidan biror bir tahrirlash amalini bajaring va Saqlash tugmasini tanlash orqali fakultet ma’lumotlarini saqlang.

Fakultetni o‘chirish

Yaratilgan fakultet ma’lumotlarini o‘chirish uchun fakultetlar ro‘yxatidan tegishli fakultet nomiga sichqoncha bilan bosiladi va taxrirlash oynasidan O’chirish tugmasi bosiladi (2-rasm).

Eslatma. Agar tizimda fakultetga bog‘langan ma’lumotlar shakllangan bo‘lsa u xolda tizim fakultetni o‘chirishga ruxsat bermaydi. Bunday hollarda fakultetni o‘chirish uchun dastlab unga bog‘langan ma’lumotlarni o‘chirish zarur.