Malaka oshirish ma’lumotlarini boshqarish
Malaka oshirish ma’lumotlarini shakllantrish
Malaka oshirgan professor-o‘qituvchilar ro‘yhatini shakllantirish tizim oynasining Xodimlar/Malaka oshirish menyusi orqali amalga oshiriladi (1-rasm).
1-rasm. Malaka oshirgan o‘qituvchilarni ro‘yxatga olish
Malaka oshirgan o‘qituvchilarni ro‘yxatga olish uchun +Yaratish tugmasini tanlang. Malaka oshirgan o‘qituvchilar ma’lumotlarini shakllantirish oynasida quyidagi amallarni bajaring (2-rasm):
- Xodimni tanlang maydonidan professor o‘qituvchini tanlang;
- Lavozim maydonidan lavozimni tanlang;
- Malaka oshirish mavzusi maydoniga mavzuni kiriting;
- O’qish joyi maydonidan malaka oshirish joyini tanlang;
- Yil maydonidan o‘qigan yilini tanlang;
- Boshlanish sanasi maydonidan malaka oshirish boshlanish sanasini tanlang;
- Tugash sanasi maydonidan malaka oshirish tugash sanasini tanlang;
- Malaka oshirish hujjati maydoniga hujjat nomeri va sanasini kiriting (2-rasm).
2-rasm. O‘qituvchining ma’lumotini shakllantirish
Barcha ma’lumotlar shakllantirilgandan so‘ng Saqlash tugmasini tanlang. Natijada ma’lumotlar saqlanadi.
Malaka oshirish ma’lumotlari shakllantirilgan o‘qituvchilarning ro‘yxatini ko‘rish tizim oynasining Xodimlar/Malaka oshirish menyusi orqali amalga oshiriladi (3-rasm).
3-rasm. Ro‘yxatga olish oynasi.
Xuddi shu ketma-ketlikda malaka oshirgan barcha professor-o‘qituvchilarning ro‘yxatini shakllantirib oling.
Malaka oshirgan o‘qituvchining ma’lumotini tahrirlash
Kiritilgan ma’lumotni tahrirlash uchun 2-rasmda keltirilgan o‘qituvchining ma’lumotini shakllantirish oynasidan kerakli o‘zgartirishni amalga oshiring va saqlang.
Malaka oshirgan o‘qituvchining ma’lumotini o‘chirish
Malaka oshirgan o‘qituvchining ma’lumotini o‘chirish faqat administrator rolidan amalga oshiriladi. Buning uchun admistrator rolidan Xodimlar/Malaka oshirish menyusini tanlang. Malaka oshirgan o‘qituvchilar ro‘yxatidan o‘qituvchini tanlang va O’chirish tugmasini bosing (4-rasm).
4-rasm. Malaka oshirgan o‘qituvchining ma’lumotini o‘chirish
Malaka oshirgan o‘qituvchilar monitoringini 3-rasmda keltirilgan oynadan Monitoring tugmasini bosish orqali ko‘rish mumkin (5-rasm).
5-rasm. Monitoring oynasi.
Monitoring oynasida ro‘yxat ko‘payib ketsa fakultetni tanlang yoki kafedrani tanlang maydonidan fakultet va kafedra kesimida filtrlash mumkin.
