Elektron shartnoma ma’lumotlarini boshqarish
Elektron shartnomani shakllantirish
Elektron shartnomani shakllantirish tizimning Moliyaviy faoliyat / Shartnoma berish menyusini tanlang (1-rasm).
1-rasm. Shartnomalar ro‘yxati
+Belgilash tugmasini tanlash orqali elektron shartnomani yaratish oynasiga o‘ting (2-rasm). Shartnoma berish uchun quyidagi amallarni bajaring:
- Fakultet maydonidan fakultetni tanlang;
- Mutaxassislik maydonidan mutaxassislikni tanlang;
- Ta’lim shakli maydonidan ta’lim shaklini tanlang;
- O‘quv yili maydonidan o‘quv yilini tanlang;
- Semestr maydonidan talaba qaysi semestrda taxsil olayotgan bo‘lsa o‘sha semestrni tanlang;
- Guruh maydonidan talabaning guruhini tanlang.
Natijada shartnoma yaratish oynasi ochiladi (2-rasm)
2-rasm. Talaba shartnomasini yaratish
Talaba shartnomasini yaratishda:
- Shartnoma turi ustunidan shartnoma turini tanlang (Bazaviy kontrakt);
- Shartnoma shakli ustunidan shartnoma shaklini tanlang (2 tomonlama);
- Summa turi ustunidan stipendiyasiz yoki stipendiyali turidan birini tanlang. Bunda talabaning xoxish istagi asosida tanlash amalga oshiriladi.
Barcha parametrlar o‘rnatilgandan so‘ng talabani tanlang va +Belgilash tugmasini bosing. Natijada qo‘yidagicha oyna paydo bo‘ladi (3-rasm).
3-rasm. Shartnomani shakllantirish oynasi
Talaba shartnomasini shakllantirish uchun 3-rasmda keltirilgan oynadagi talaba qatorida joylashgan Olish tugmasini tanlang. Natijada talaba shartnomasining raqami va shartnoma summasi avtomatik tarzda shakllanadi (4-rasm).
4-rasm. Talaba shartnomasini shakllantirish
Talabaning shartnoma ma’lumotlarini ko‘rish yoki tahrirlash uchun talaba shartnomasini shakllantirish oynasidan talabani tanlang. Natijada talaba shartnomasi ma’lumotlarini tahrirlash oynasi ochiladi. Ushbu oynada quyidagicha ma’lumotlar o‘z aksini topgan:
- Shartnoma raqami maydonida shartnoma raqami avtomatik tarzda shakllangan. Ushbu maydonni o‘zgartirishga ruxsat etilmaydi (bazaviy shartnoma turida);
- Sana maydonida shartnoma sanasi avtomatik tarzda shakllangan. Ushbu maydonni o‘zgartirishga ruxsat etilmaydi;
- Summa maydonidagi shartnoma summasi avtomatik tarzda shakllangan. Ushbu maydonni o‘zgartirishga ruxsat etilmaydi;
- Chegirma (%) maydoniga shartnoma to‘lovi bo‘yicha chegirma bo‘lsa kiriting, masalan 10%;
- Shartnoma turi maydonida bazaviy kontrakt turi mavjud. Ushbu maydonda shartnomaning boshqa turini tanlash mumkin;
- Summa turi maydonida stipendiyasiz shartnoma turi mavjud. Ushbu maydonda summaning boshqa turini tanlash mumkin;
- Shartnoma shakli maydonida 2 tomonlama shartnoma shakli mavjud. Ushbu maydonda shartnoma shaklining boshqa turini turini tanlash mumkin;
- Oylar maydonida avtomatik tarzda 12 oy turadi, bu maydonning ham ma’lumotini o‘zgartirish mumkin;
- O‘quv yili maydonida shartnoma shakllantiriladigan o‘quv yili ko‘rsatilgan;
- Kurs maydonida talabaning qaysi kursda o‘qiyatganligi belgilangan.
- Talaba toifasi – maydonida ikki xil toifa mavjud bo‘lib, bitiruvchi yoki bitiruvchi emas. Talaba 4-kurs yoki 2-kurs magistrutura bosqichida tahsil olayotgan bo‘lsa bitiruvchi turi tanlanadi. Qolgan kurslarning barchasida bitiruvchi emas turi tanlanadi.
- O‘qish muddati maydonidan o‘qishni tugatish yili tanlanadi;
- Fakultet maydonida talabaning fakulteti mavjud, zarur bo‘lsa tahrirlash mumkin;
- Mutaxassislik maydonida talabaning mutaxassisligi mavjud zarur bo‘lsa tahrirlash mumkin;
- Guruh maydonida talabaning guruhi mavjud. Zarur bo‘lsa tahrirlash mumkin.
- Ta’lim turi maydonida ta’lim turi mavjud. Ushbu maydonni tahrirlashga ruxsat berilmagan;
- Ta’lim shakli maydonida ta’lim shakli ma’lumoti mavjud. Ushbu maydonni o‘zgartirishga ruxsat berilmagan;
- To‘lov muddati (1 kurs) maydonidan 1 kurslar uchun to‘lov muddati sanasi belgilanadi. Ushbu maydonni o‘zgartirishga ruxsat berilgan;
- To‘lov muddati (>2 kurs) maydonidan 2 kursdan yuqori bo‘lgan talabalar uchun to‘lov muddati sanasi belgilanadi. Ushbu maydonni o‘zgartirishga ruxsat berilgan.
Pochta manzili va Bank ma’lumotlari maydonlarida ma’lumotlar ham avtomatik tarzda shakllanadi. Ushbu maydon ma’lumotlariga e’tibor berish zarur. Chunki talaba shartnoma summasini to‘lash vaqtida bank ma’lumotlari va pochta manzili ma’lumotlari muhim sanaladi.
5-rasm. Talaba shartnomasini ma’lumotlarni
Barcha ma’lumotlar to‘g‘riligiga to‘liq ishonch hosil qilingach Saqlash tugmasini tanlang. Natijada quyidagicha oyna paydo bo‘ladi (6-rasm).
6-rasm. Talaba shartnomasini shakllantirish
Talaba shartnomasini shakllantirish uchun Olish tugmasini tanlang. Natijada oynada Ko’rish tugmasi paydo bo‘ladi (7-rasm).
7-rasm. Talaba shartnomasini shakllantirish
Talaba shartnomasi matnini ko‘rish uchun uchun 7-rasmda keltirilgan talaba shartnomasini shakllantirish oynasidan Ko’rish tugmasini tanlang. Natijada talaba shartnomasining matnini ko‘rish oynasi ochiladi (8-rasm).
8-rasm. Shartnoma matnini ko‘rish
Shartnomaning barcha ma’lumotlari to‘g‘riligiga ishonch hosil qilingandan so‘ng PDF yaratish tugmasini tanlang. Natijada shartnomaning PDF shakli yaratiladi va shartnomani Yuklash tugmasi paydo bo‘ladi (9-rasm).
9-rasm. Shartnomani yuklash oynasi.
Yuklash tugmasini tanlash orqali shartnoma yuklanadi. Shu bilan bir qatorda yaratilgan shartnoma talaba profilida ham ko‘rinadi.
Muhim! Agar shartnoma summalari hisob kitob qilingandan so‘ng buxgalteriya rolida ushbu shartnomani tahrirlab bo‘lmaydi. Buning uchun alohida moliya nazorat roli tashkil etilgan. Shartnomani tahrirlash uchun moliya nazorat rolidan shartnomani tasdiqlash tugmasini bekor qilish kerak
