Talaba almashinuv ma’lumotlarini boshqarish

Talaba almashinuv ma’lumotlarini shakllantirish

Talaba almashinuv ma’lumotlarini shakllantirish tizimning Talabalar/ Talaba almashinuv menyusi orqali amalga oshiriladi (1-rasm)

1-rasm. Talaba almashinuv ma’lumotini yaratish

Talaba almashinuv ma’lumotlarini yaratish uchun +Yaratish tugmasini tanlang. Natijada ma’lumotlarni shakllantirish oynasi paydo bo‘ladi (2-rasm). Talaba almashinuv ma’lumotlarini quyidagicha shakllantiring:

• O‘quv yili maydonidan o‘quv yilini tanlang;
• Almashinuv turi maydonidan talaba almashinuv turini tanlang. Bunda talaba, talaba almashinuv dasturi bo‘yicha boshqa davlatga ketsa ushbu maydondan Ketgan talaba turini tanlang yoki boshqa davlatdan kelsa Kelgan talaba ta’lim shaklini tanlang;
• Davlat maydonidan talabaning ketgan yoki kelgan davlatini tanlang;
• Ta’lim turi maydonidan talaba turini tanlang, bunda mos ravishda bakalavr, magistr, ordinatura, doktorantura Phd, doktorantura DSc kabi turini tanlang;
• To‘liq ismi maydoniga talabaning familiya, ismi va sharifini kiriting;
• Almashinuv hujjati maydoniga almashuv xujjat ma’lumotlarini kiriting;
• Mutaxassislik nomi maydoniga mutaxassislikni kiriting;

Talaba almashinuv ma’lumotlari kiritilgandan so‘ng Saqlash tugmasi bosiladi. Natijada talaba almashinuv ma’lumotlari shakllanadi (2-rasm).

2-rasm. Talaba almashinuv ma’lumotlarini shakllantirish

Talaba almashinuvi bo‘yicha talabalar ro‘yxatini ko‘rish uchun tizimning Talabalar/ Talaba almashinuv menyusini tanlang. Natijada talabalar ro‘yxati ochiladi (3-rasm).

3-rasm. Talabalar ro‘yxati

Yuqorida keltirilgan ketma-ketlik asosida talaba almashinuvi dasturlari bo‘yicha boshqa talabalar ham shakllantirib olinadi.

Talaba almashinuv ma’lumotlarini tahrirlash

Talaba almashinuv ma’lumotlarini tahrirlash uchun tizimning Talabalar/ Talaba almashinuv menyusiga kiriladi. Natijada talabalar ro‘yxati  ochiladi (3-rasm). Ro‘yxatdan biror talaba tanlansa talaba almashinuv ma’lumotlarini tahrirlash oynasi ochiladi (2-rasm). Ushbu oynadan biror bir o‘zgarishni amalga oshiring va Saqlash tugmasini bosing.  

Talaba almashinuv ma’lumotlarini o‘chirish

Talaba almashinuv ma’lumotlarini o‘chirish uchun talabalar ro‘yxatidan biror talaba tanlanadi va tahrirlash oynasidan O’chirish tugmasini tanlanadi (2-rasm).

 

 

---