Mutaxassisslik ma’lumotlarini boshqarish

Mutaxassisslik yaratish

Mutaxassissliklar oliy ta’lim muassasasida kadrlar tayyorlanadigan bakalavriat ta’lim yo‘nalishlari va magistratura mutaxassisliklari kesimida shakllantiriladi. Mutaxassislikni yaratish tizim oynasidan Talabalar / Mutaxassisliklar menyusi orqali amalga oshiriladi (1-rasm).

1-rasm. Mutaxassislikni yaratish oynasi

Mutaxassislikni yaratish uchun 1-rasmda keltirilgan oynadan +Mutaxassislik yaratish tugmasini tanlang. Natijada mutaxassislikni kiritish oynasi hosil bo‘ladi (2-rasm). Ushbu oyna orqali quyidagicha ma’lumotlarni shakllantiring:

  • Ta’lim turi maydonidan mos ravishda bakalavriat yoki magistratura ta’lim turi tanlanadi;
  • Mutaxassislik maydonida klassifikatordan ta’lim yo‘nalishi yoki mutaxassislik nomi tanlanadi (agar siz qidirayotgan mutaxassislik ro‘yxatda mavjud bo‘lmasa axborot tizimi texnik guruhiga murojaat qiling);
  • Turi maydonidan mutaxassislik toifasi tanlanadi (mahalliy, qo‘shma, bo‘lim va boshqalardan mosi belgilanadi)

Barcha ma’lumotlar kiritib bo‘lingandan so‘ng Saqlash tugmasini bosish orqali ma’lumotlar saqlanadi.

2-rasm. Mutaxassislikni kiritish

Yaratilgan mutaxassislar ro‘yxatini ko‘rish tizim oynasidan Talabalar/Mutaxassisliklar menyusi orqali amalga oshiriladi (3-rasm).

3-rasm. Mutaxassisliklar ro‘yxati.

Yuqorida keltirilgan ketma-ketlik asosida OTMning barcha mutaxassisliklari yaratib chiqiladi.

Mutaxassisliklarni tahrirlash

Mutaxassisliklarni tahrirlash uchun Talabalar/Mutaxassisliklar menyusi tanlanadi va paydo bo‘lgan oynadagi mutaxassisliklar ro‘yxatidan tegishli mutaxassislik nomiga bosiladi. Shundan so‘ng mutaxassislik ma’lumotlarini tahrirlash oynasi ochiladi va tegishli ma’lumotlar tahrirlanadi (2-rasm). Ushbu oynada tegishli tahrirlashlar bajarilgandan so‘ng ma’lumotlarni qayta saqlash uchun Saqlash tugmasi bosiladi.

Mutaxassisliklarni o‘chirish

Mutaxassisliklarni o‘chirish uchun Talabalar/Mutaxassisliklar menyusi tanlanadi va paydo bo‘lgan oynadagi mutaxassisliklar ro‘yxatidan tegishli mutaxassislik tanlanadi. Shundan so‘ng mutaxassislik ma’lumotlarini tahrirlash oynasidagi O‘chirish tugmasini bosish orqali tegishli mutaxassislik o‘chiriladi (2-rasm).

Muhim!!! Tizimda o‘chirilayotgan mutaxassislikka bog‘liq ma’lumotlar mavjud bo‘lsa u holda ushbu mutaxassislikni o‘chirishga ruxsat berilmaydi. Bunday hollarda mutaxassislikni o‘chirish uchun dastlab unga bog‘liq bo‘lgan ma’lumotlarni o‘chirishga to‘g‘ri keladi.