DAK ro‘yxati va a’zolari ma’lumotlarini boshqarish

DAK yaratish

DAKni shakllantirish tizimning Akademik arxiv / DAK ro’yxati menyusi orqali amalga oshiriladi (1-rasm).

1-rasm. DAK ro‘yxati

         DAKni shakllantirish uchun +Yaratish tugmasini tanlang. Natijada DAKni yaratish oynasi paydo bo‘ladi (2-rasm). DAKni yaratish oynasidagi ma’lumotlarni quyidagicha shakllantiring:

  • Fakultet: fakultet nomi avtomatik tarzda chiqadi;
  • Kafedra / Bolim: kafedra nomi avtomatik tarzda chiqadi;
  • Ta’lim turi maydonidan ta’lim turini tanlang;
  • Mutaxassislik maydonidan tegishli mutaxassislikni tanlang;
  • O‘quv yili maydonidan joriy o‘quv yilini tanlang;
  • Turi maydonidan DAK turini tanlang, masalan Himoya
  • Nomi maydoniga yaratilayotgan DAK nomini kiriting;

Saqlash tugmasini tanlash orqali ma’lumotlarni saqlang (2-rasm).

2-rasm. DAK yaratish

Yaratilgan DAKlar ro‘yxatini ko‘rish tizimning Akademik arxiv / DAK ro’yxati menyusi orqali amalga oshiriladi (3-rasm).

3-rasm. DAKlar ro‘yxati

Yuqoridagi ketma-ketlik asosida DAKlar shakllantirib olinadi.

DAKlarni tahrirlash

Yaratilgan DAKlarni tahrirlash uchun tizimning Akademik arxiv / DAK ro’yxati menyusini tanlang. Natijada DAKlar ro‘yxati oynasi ochiladi (3-rasm). DAKlar ro‘yxatidan DAKni tanlash orqali tahrirlash oynasiga o‘ting (2-rasm). Tahrirlash oynasidan biror bir tahrirlashni amalga oshiring va Saqlash tugmasini tanlang.

DAKlarni o‘chirish

DAKlar ro‘yxati oynasidan (3-rasm) DAKni tanlash orqali tahrirlash oynasiga o‘ting (2-rasm). DAKni o‘chirish uchun tahrirlash oynasidan O‘chirish tugmasini bosing.

Muhim! Agar tizimda DAKka bog‘langan ma’lumotlar shakllangan bo‘lsa u xolda tizim DAKni o‘chirishga ruxsat bermaydi. Bunday hollarda DAKni o‘chirish uchun dastlab unga bog‘langan ma’lumotlarni o‘chirish zarur.

DAK a’zosini yaratish

DAK a’zolarini yaratish tizimning Akademik arxiv / DAK ro’yxati menyusi orqali amalga oshiriladi (4-rasm).

4-rasm. DAKlar ro‘yxati

DAK a’zolarini shakllantirish uchun DAKlar ro‘yxati oynasidan A’zolar tugmasini bosing. Natijada DAK a’zolarini boshqarish oynasi ochiladi (5-rasm). DAK a’zolarini boshqarish oynasida quyidagicha ma’lumotlarni shakllantiring:

  • Fakultet maydoni joriy fakultet tanlangan;
  • DAK maydonidan DAKni tanalang;
  • Ijrochi F.I.Sh. maydoniga ijrochini kiriting;
  • Ish joyi maydoniga ijrochining ish joyini kiriting;
  • Lavozim maydoniga ijrochining lavozimini kiriting;
  • Rol maydoniga ijrochining rolini kiriting.

Saqlash tugmasini tanlash orqali ma’lumotlarni saqlang (5-rasm).

 

 

5-rasm. DAK a’zolarini yaratish

DAK a’zosini yaratish ketma-ketligi asosida DAKning barcha a’zolarini yaratib oling.

 DAK a’zosini tahrirlash

DAK a’zosini tahrirlash tizimning Akademik arxiv / DAK ro’yxati menyusi orqali amalga oshriladi (4-rasm). DAKlar ro‘yxati oynasidan A’zolar tugmasini bosish orqali DAK a’zolarini boshqarish oynasiga o‘ting (5-rasm). DAK a’zolarini boshqarish oynasidan ijrochini tanlang. Natijada ijrochining ma’lumotlari tahrirlash oynasiga yuklanadi (5-rasm). Tahrirlash oynasidan biror bir tahrirlashni amalga oshiring va Saqlash tugmasini tanlang.

DAK a’zolsini o‘chirish

DAK a’zosini o‘chirish uchun DAKlar ro‘yxati oynasidan (4-rasm) A’zolar tugmasini bosish orqali DAK a’zolarini boshqarish oynasiga o‘ting (5-rasm). DAK a’zolarini boshqarish oynasidan ijrochini tanlang. Natijada ijrochining ma’lumotlari tahrirlash oynasiga yuklanadi (5-rasm). Tahrirlash oynasidan O‘chirish tugmasish orqali ijrochi ma’lumotini o‘chiring.